Yu Save?

(Yu inap painim bekim bilong ol dispela askim long ol pes bilong Baibel yumi lukim daunbilo, na tu, olgeta bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Wanem narapela nem bilong raunwara Galili, em ol i kisim long wanpela taun i stap long nambis long hap bilong wes? (Jon 6:1; 21:⁠1)

2. Inap 200 bilong 600 ami bilong Devit ol i mas malolo we, long wanem, skin bilong ol i les olgeta taim ol i ranim ol Amalek, em ol i bin bagarapim ples na kisim 2-pela meri bilong Devit? (1 Samuel 30:​9, 10)

3. Rahap i mekim wok long wanem samting bilong haitim 2-pela Israel i go bilong lukstil? (Josua 2:⁠6)

4. Pol i tok wanem samting inap helpim ol Kristen bambai ol i ‘lotu long God long pasin em yet i laikim’? (Hibru 12:⁠28)

5. Lo Bilong Moses i tok, sapos wokboi i no laik i go fri bosman i mas mekim wanem long em? (Kisim Bek 21:⁠6)

6. Wanem taun long Idom i gat nem olsem ples bilong gutpela tingting na save? (Jeremaia 49:⁠7)

7. Ol i bin wokim ol dua bilong Rum Tambu Tru long haus lotu bilong Solomon long wanem kain plang? (1 King 6:​31-​33)

8. Long Sindaun 6:​17-​19, Jehova i nolaik tru long wanem 7-pela samting?

9. Pol i tok wanem samting bai painim ol man i planim liklik kaikai tasol, sapos yumi skelim wantaim ol man i planim planti kaikai? (2 Korin 9:⁠6)

10. Taim Satan i sutim tok long Jehova, em i tok, sapos Jehova i tekewe ol gutpela samting bilong em long Jop, Jop bai mekim wanem? (Jop 1:​11)

11. Wanem samting i kamap “taim ol man nogut i dai”? (Sindaun 10:⁠7)

12. Taim Jisas i oraitim 10-pela lepraman, hamas i no tok tenkyu? (Luk 17:⁠17)

13. Ol Israel i mekim wanem na bihain banis bilong Jeriko i pundaun? (Josua 6:⁠5)

14. I tambu long ol Israel i mekim wanem sapos ol i painim mama pisin i sindaun antap long ol kiau? (Lo 22:​6, 7)

15. Bilong wanem Jehova i save mekim gut long ol Israel? (Aisaia 41:⁠8)

16. Hamas namba wan gavman i stap olsem man bilong givim tingting long King Serksis, na ol i mekim kot long Kwin Vasti? (Esta 1:​14)

17. Wanpela ofa ol i bin mekim long Jehova, na man i mekim ofa em i no inap holim hap bilong en. (Wok Pris 1:⁠4)

18. Pol i tok man i mas mekim wanem 2-pela samting na bai God i kisim bek em? (Rom 10:⁠9)

19. Inap hamas yia Solomon i bin wokim haus lotu? (1 King 6:​1, 38)

20. Long bipo, taim ol i holim wanpela birua, ol i save mekim wanem long em na em i no inap ranawe? (Hetman 1:⁠6)

21. Pastaim Moses i putim ol ston i gat Lo long en we? (Lo 10:​1-5)

22. Wanem buk bilong Baibel i stori planti long wok bilong Pita na Pol?

23. Wanem nem bilong wokmeri i amamas tru long harim nek bilong Pita, na em i ran i go tokim ol narapela olsem Pita i stap long dua, na em i no larim Pita i kam insait? (Aposel 12:​13, 14)

[Blok long pes 27]

Ol Bekim

1. Raunwara Taiberias

2. Wara Besor

3. Mekpas gras

4. “Pret na aninit long em”

5. ‘Kisim nil na mekim hul long yau bilong em’

6. Teman

7. Plang bilong diwai oliv

8. “Pasin bilong hambak na lukim ol arapela man i olsem samting nating. Pasin bilong mekim tok giaman. Pasin bilong kilim nating ol arapela man. Pasin bilong tingting long mekim pasin nogut. Pasin bilong hariap long mekim sin. Pasin bilong tok giaman long kot. Pasin bilong mekim ol man i bel nogut long brata bilong ol yet.”

9. Ol bai kamautim liklik kaikai tasol

10. Tok nogut tru long Jehova

11. Ol manmeri i lusim tingting long ol kwiktaim

12. 9-pela

13. Singaut bikpela

14. Ol i ken kisim ol pikinini, tasol ol i mas larim mama pisin

15. Ol i ‘lain tumbuna bilong Abraham, pren bilong Jehova’

16. 7-pela

17. Ofa ol i kukim olgeta long paia o ofa bilong tekewe sin

18. Man i mas autim tok long Jisas em i Bikpela, na long bel em i mas bilip olsem God i bin kirapim bek Jisas long matmat

19. 7-pela yia

20. Katim na rausim 2-pela bikpela pinga bilong han na lek

21. Insait long bokis ol i wokim long diwai akas

22. Aposel

23. Roda