Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 25. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Jisas i mekim wanem bilong skulim ol aposel bilong em long daunim ol yet na amamas long helpim ol narapela, maski ol i bilong wanem lain? (Jon 13:⁠12)

2. Tok yangpela meri Sulam i mekim long wasman bilong sipsip em i laikim tru, i kain olsem gutpela ples malolo aninit long wanem diwai? (Solomon 2:⁠3, NW)

3. Jems i tok, “lotu bilong [man] em i samting nating tasol” sapos em i no mekim wanem long maus bilong em? (Jems 1:⁠26)

4. Wanem laspela samting long graun em God i bin wokim na Baibel i stori long en? (Stat 2:​22; 3:​20)

5. Husat i kirapim ol man bilong taun Sekem long pait long Abimelek na dispela i mekim na taun i kisim bagarap? (Hetman 9:​28)

6. Ol Amor i kolim wanem nem long maunten Hermon? (Lo 3:⁠9)

7. Ol Israel i les pinis long kaikai mana, olsem na ol i toktok planti long ol i laik kaikai wanem samting taim ol i stap long ples wesan nating? (Namba 11:⁠4)

8. Taim Pol i stap olsem kalabusman long Sisaria na ol i kisim em i go long Rom, em i kalap long narapela sip long nambis bilong wanem taun? (Aposel 27:⁠5)

9. Long driman, Esekiel i lukim wanem ol samting nogut tru ol i mekim long haus lotu long Jerusalem? (Esekiel 8:​9-​16)

10. Wanem ol hap bilong imis long driman bilong King Nebukatnesar em ol i wokim long silva? (Daniel 2:​32)

11. Jisas i mekim wanem taim ol hetman bilong Juda i traim long sutim em long ston? (Jon 8:​59)

12. Moses i mekim wanem taim pes bilong em i lait, na ol Israel i no inap lukim pes? (Kisim Bek 34:⁠35)

13. Husat em i papa bilong Moses? (Namba 26:⁠59)

14. Selofehat i no gat ol pikinini man, olsem na Jehova i putim wanem lo? (Namba 27:​1-8)

15. Ol man bilong Nasaret i tok long husat ol i brata bilong Jisas? (Mak 6:⁠3)

16. Long pas Pol i salim long Filemon, em i mekim wanem na i narapela kain long pasin em i save mekim? (Filemon 19)

17. Bilong wanem Jeremaia i baim graun long dispela taim ol Babilon i wok long banisim Jerusalem? (Jeremaia 32:⁠8-15, 44)

18. Wanpela spirit nogut i askim Jisas long em i no ken mekim wanem long em? (Luk 8:​28-​31)

19. Adam i givim wanem samting long olgeta animal? (Stat 2:​19, 20)

20. Wanem meri i no bilong Israel, em i gat strongpela bel na em i kilim i dai Sisera? (Hetman 4:​21)

21. Pol i kolim ol Korin olsem “wanpela pas” Krais i raitim long wanem kain pasin? (2 Korin 3:⁠3)

22. Pita i mekim wok long bainat bilong em na em i mekim wanem long Malkus? (Jon 18:⁠10)

23. Wanpela savetok i tok, “pikinini i bihainim laik bilong em yet” bai mekim wanem long mama bilong em? (Sindaun 29:⁠15)

24. Buk Sindaun i tok, meri i gat gutpela skin na i save mekim ol pasin kranki, em i olsem wanem samting? (Sindaun 11:⁠22, NW)

25. Jisas i givim wanem tok lukaut bilong kamapim klia olsem em pasin kranki sapos man i go bek gen long ol samting em i bin lusim pinis? (Luk 17:​31, 32)

[Blok long pes 25]

Ol Bekim

1. Em i wasim lek bilong ol

2. Apel

3. Bosim gut

4. Iv

5. Gal, pikinini man bilong Ebet

6. Senir

7. Abus

8. Maira

9. Seventi hetman i lotuim ol piksa nogut long banis na ol meri i krai long god Tamus bilong Babilon, na 25 man i givim baksait long God na lotuim san

10. Bros na tupela han bilong en

11. Em i hait na lusim haus lotu i go ausait

12. Em i kisim hap laplap na haitim pes

13. Amram

14. Ol pikinini meri bilong em i mas kisim graun bilong em

15. “Jems na Josep na Judas na Saimon”

16. Em i raitim long han bilong em yet

17. Em wanpela mak olsem bihain long ol i stap kalabus 70 yia, bai ol i kambek na baim gen graun na gaden wain long Juda

18. “No ken mekim nogut” long em na rausim em na lain bilong em i go long hul i no gat as

19. Nem

20. Jael

21. Em i “Raitim long Spirit bilong God,” long bel bilong ol

22. Katim yau bilong em

23. Givim sem long em

24. ‘Naispela ring gol long nus bilong pik’

25. “Tingim . . . meri bilong Lot”