Kam, Harim Pablik-Tok “Long Nau Wanem Lain i Givim Biknem Long God?”
Ating ol man bilong lotu i paul long givim biknem long God. God em Nambawan King bilong heven na graun, a? Olsem wanem wanpela man nating inap givim biknem long em? Em inap long mekim, long wanem, Baibel i tokim yumi long ‘pret long God na litimapim nem bilong em.’ (KTH 14:7) Wanpela rot long mekim olsem em yumi mas ‘harim tok bilong God na bihainim.’ (Luk 11:28) Taim yumi stadi long Baibel na bihainim ol stiatok bilong en, yumi givim biknem long Man bilong kamapim ol tok bilong Baibel, God Jehova.
Tasol wanem lain long nau i givim biknem long God long dispela rot? Planti man i tok ol i man bilong lotu, tasol yu ting dispela samting tasol em inap bilong givim biknem long God? Olsem wanem yumi ken save tru olsem God i orait long pasin bilong yumi long mekim lotu na dispela i givim biknem long em? Bekim bilong ol dispela askim bai kamap long pablik-tok, “Long Nau Wanem Lain i Givim Biknem Long God?” Dispela pablik-tok bai kamap long kibung distrik bilong ol Witnes Bilong Jehova long kirap bilong Disemba, 2003. Planti handet kibung olsem bai kamap long olgeta hap bilong graun. Bilong save long wanem hap kibung bai kamap long en na i klostu long yu, askim ol Witnes Bilong Jehova i stap long hap bilong yu, o rait i go long ol lain i wokim dispela nius. I gat lista bilong ol ples bilong wokim kibung long hap bilong Pasifik i stap long Wastaua bilong Mas 1, 2003, em poroman bilong dispela nius.