Kam na harim bikpela tok, no gat pe
“Bilong Wanem Yumi Mas Tingim Ol Gutpela Wok Bilong God?”
KIRAP long mun Novemba, long Papua Niugini, ol bai mekim dispela tok i stap antap, em olsem bikpela tok bilong 8-pela “Ol Man Bilong Bihainim Tok Bilong God” Kibung Distrik bilong ol Witnes Bilong Jehova, i gat 3-pela de long ol. Fopela bilong ol dispela kibung bai kamap long tok Pisin, wanpela long tok Hiri Motu, wanpela long tok Inglis, na 2-pela long tok Hiri Motu na tok Pisin wantaim. Dispela tok i stap antap bai kamap long 2,000 samting kibung long 150 kantri long olgeta hap graun.
Long taim bilong yumi, ol man i bin kamapim ol narapela kain samting yumi kirap nogut long en, na yumi save ol bai kamapim yet planti samting moa. Tasol ol wok samting ol man i bin mekim ol i liklik samting tasol taim yumi skelim wantaim ol samting God i bin mekim! Olsem na wanpela saveman bilong bipo i tok: “Yu mas stap isi na putim yau gut na kisim tingting long ol kain kain strongpela wok God i save mekim”!—Jop 37:14.
Ol samting God i bin wokim olsem tait bilong solwara, ren, ais, na win, ol i skulim yumi long wanem samting? Olsem wanem man i as bilong ol dispela samting i mas senisim i stap bilong yumi long nau? Dispela tok bai bekim ol dispela askim na sampela narapela askim.
Yu ken askim ol Witnes Bilong Jehova long hap bilong yu o salim pas long lain bilong wokim dispela nius, na askim ol long ples ol bai mekim kibung long en i klostu long yu. Long Wastaua bilong Februeri 15, em poroman bilong dispela nius, i gat lista bilong ol ples ol kibung bai kamap long en long Papua Niugini, ol ailan Solomon, Ostrelia na long ol narapela kantri long Saut Pasifik.