Yu Ting Wanpela i Bin Wokim?
Samting i Stiaim Raun Bilong Bataflai
◼ Wanpela kain bataflai ol i kolim king bataflai, em i gat liklik kru i olsem sais bilong ai bilong pen, tasol dispela kru i save stiaim raun bilong en. Em i save raun inap 3,000 kilomita, kirap long Kanada na i go inap long wanpela liklik hap long bikbus bilong Meksiko. Wanem samting i save stiaim raun bilong en?
Tingim: King bataflai i gat wanpela kain kompas i save bihainim wokabaut bilong san na dispela i stiaim raun bilong en. Tasol i gat sampela samting moa. Bodi bilong en i gat wanpela kain klok we i save bihainim stret 24 aua bilong de na nait na i stret wantaim wokabaut bilong san. Dokta Steven Reppert, em dokta bilong stadi long kru, em i tok, king bataflai “i gat wanpela narapela kain pasin tru bilong skelim taim, na dispela i no wankain long ol arapela binatang na animal samting em mipela i bin stadi long en.”
Taim ol saientis i kisim sampela save moa long dispela narapela kain klok bilong king bataflai, dispela inap helpim ol long kisim sampela save moa long kain klok olsem i stap insait long bodi bilong ol man na ol animal. Na tu, dispela inap helpim ol long kamapim ol nupela rot bilong stretim ol sik bilong kru. Dokta Reppert i tok: ‘Mi laik kliagut long olsem wanem kru i save skelim gut taim, na king bataflai em i gutpela tru bilong kisim save long en.’
Wanem tingting bilong yu? Yu ting dispela narapela kain samting i stiaim raun bilong king bataflai, em samting i kamap nating tasol? O yu ting dispela i kamapim klia olsem wanpela Man i gat bikpela save i bin wokim?
[Diagram/Map on page 24]
(Bilong save ol dispela rait i stap we long pes, lukim buk o magasin)
King bataflai i save raun inap 3,000 kilomita, kirap long Kanada na i go inap long wanpela liklik hap long bikbus bilong Meksiko
[Mep]
KANADA
YUNAITET STETS BILONG AMERIKA
MEKSIKO
MEXICO CITY
[Piksa Kredit Lain long pes 24]
Background: © Fritz Poelking/age fotostock