Famili i Skelim Wantaim
Yu Ting Em Gutpela Disisen?
Ritim Mak 14:66-72. Nau lukim piksa. Raitim bekim bilong yu long lain i stap daunbilo.
1. Ol samting i kamap long dispela piksa i kamap long wanem hap? GIVIM TINGTING: Ritim Mak 14:53, 54.
․․․․․
2. Taim ol man i tok Pita em wanpela disaipel bilong Jisas, Pita i mekim wanem?
․․․․․
3. Wanem samting i kamap taim kakaruk i krai namba tu taim?
․․․․․
STORI LONG DISPELA:
Yu ting bilong wanem Pita i mekim olsem? Yu ken mekim wanem na bai yu no mekim wankain popaia?
YU GAT WANEM SAVE LONG KING JEHOSAFAT?
4. Jehosafat i mekim wanem bilong mekim pasin bilong mekim kot i kamap gutpela moa long Juda?
GIVIM TINGTING: Ritim 2 Stori 19:5-11.
․․․․․
5. Jehosafat i mekim wanem popaia?
GIVIM TINGTING: Ritim 2 Stori 18:1-3; 19:1-3.
․․․․․
STORI LONG DISPELA:
Yu inap kisim wanem skul long Jehosafat taim yu laik makim ol poroman?
GIVIM TINGTING: Ritim 1 Korin 15:33.
INSAIT LONG DISPELA NIUS
Bekim ol dispela askim, na raitim (ol) ves bilong Baibel.
PES 4 Yumi mas rausim wanem ol pasin doti? 2 Korin 7:________
PES 5 Taim tupela i stap wantaim, ol inap mekim wanem? Saveman 4:________
PES 10 Man i mekim pasin pamuk em i mekim nogut long husat? 1 Korin 6:________
PES 19 Man i gat savetingting, em i no bilip long wanem samting? 1 Timoti 6:________
OL BEKIM
1. Long ples bung long haus bilong hetpris.
2. Pita i tok em i no save long Jisas.
3. Pita i krai.
4. Jehosafat i putim ol jas i daun long God long mekim wok jas long ol taun, na tu, em i putim ol Livai na ol pris long Jerusalem.
5. Em i wok bung wantaim King Ahap, em man nogut.