Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • g 9/14 p. 8-9
  • Beten

No gat vidio bilong dispela seksen.

Sori, popaia kamap long lodim vidio.

  • Beten
  • Kirap!—2014
  • Ol Liklik Het Tok
  • Wankain Infomesen
  • I gat wanpela man i save harim beten bilong yumi?
  • Yumi mas beten olsem wanem?
  • Yumi mas beten long husat?
  • Go Klostu Long God Long Rot Bilong Beten
    Tru Tru Baibel i Tok Wanem?
  • Beten Em Wanpela Presen i Kam Long God
    Tok Baibel i Skulim Yumi Long En
  • Rot Bilong Beten Bambai God i Ken Helpim Yu
    Yu Inap i Stap Oltaim long Paradais long Graun
  • Go Klostu Long God Long Rot Bilong Beten
    Stap Amamas Oltaim!—Stadi Long Baibel
Lukim Moa
Kirap!—2014
g 9/14 p. 8-9
Wanpela man i beten

BAIBEL I TOK WANEM?

Beten

I gat wanpela man i save harim beten bilong yumi?

“Yu save harim beten bilong mipela. Olsem na mipela olgeta manmeri i mas i go long yu.”​—Song 65:2.

OL MAN I TOK

Sampela man i tok i no gat man i save harim beten bilong yumi. Ol manmeri husat i karim bikpela pen na hevi, ol i ting olsem God i no save harim beten bilong ol.

BAIBEL I TOK

“Ai bilong Jehova i save lukluk long ol stretpela man, na em i save putim yau long ol taim ol i beten strong long em. Tasol Jehova i no laikim ol man i save mekim pasin nogut.” (1 Pita 3:12) I klia tru olsem God i save harim ol beten. Tasol em i save putim yau long ol man i bihainim ol lo bilong em. I gat narapela ves bilong Baibel i soim olsem God i save harim beten bilong yumi, em i tok: “Bilip yumi gat long em i olsem, maski wanem wanem samting yumi askim em long en na i stret wantaim laik bilong em, em bai harim yumi.” (1 Jon 5:14) Olsem na ol man husat i gat gutpela bel na ol i save beten, ol i mas save long wanem kain beten i stret wantaim laik bilong God.

Yumi mas beten olsem wanem?

“Taim yupela i beten i stap, no ken kolim ol wankain tok gen na gen.”—Matyu 6:7.

OL MAN I TOK

Ol man bilong ol narapela narapela lotu, olsem lotu Buda, Katolik, Hindu, na Islam i gat pasin bilong holim bis na kolim kolim na kaunim ol beten.

BAIBEL I TOK

Bel i mas kirapim yumi long pilim tru ol tok yumi mekim taim yumi beten. Yumi no ken kisim pasin bilong kolim wankain beten long olgeta taim. Baibel i tok: “Taim yupela i beten i stap, no ken kolim ol wankain tok gen na gen olsem ol man bilong ol arapela lain i save mekim. Ol i ting sapos ol i kolim kolim planti tok, God bai harim ol. Olsem na yupela i no ken bihainim pasin bilong ol. God, Papa bilong yupela, em i save long ol samting yupela i nidim paslain long yupela i askim em.”—Matyu 6:7, 8.

AS NA EM I BIKPELA SAMTING

Sapos man i mekim beten long pasin God i no orait long en, orait God i no inap harim beten bilong em. Baibel i tok lukaut olsem beten bilong ol man husat i no save bihainim laik bilong God i olsem “stingpela samting” long ai bilong em.—Sindaun 28:9.

Yumi mas beten long husat?

“Wok long painim [God] Jehova nau long taim yu inap yet long painim em. Singaut long em taim em i stap klostu yet long yu.”—Aisaia 55:6, NW.

OL MAN I TOK

Sampela bilipman i save beten long Maria o long ol ensel na ol man em ol i save kolim santuman. Wanpela em Santu Anthony bilong Padua, ol man i tok em i save lukautim ol man long “ol samting bilong lotu na ol samting ol i nidim,” na Santu Jut, em i santu bilong ol man “long taim bilong hevi.” Planti man bilong lotu i save beten long ol santu na ol ensel, long wanem, ol i ting ol bai stap olsem namelman na bringim beten bilong ol i go long God.

BAIBEL I TOK

Ol man i lotu tru long God i mas beten long “Papa bilong mipela long heven.” (Matyu 6:9) Baibel i tok: “Yupela i no ken tingting planti long wanpela samting, nogat. Long olgeta samting, kamapim ol askim bilong yupela long God, mekim long rot bilong ol beten, na long ol prea we yu beten strong, na long ol beten bilong tok tenkyu long God.”—Filipai 4:6.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim