Wanpela Buk Bilong Bipo i Helpim Yumi Long Nau

Yumi ken skelim tok sampela i mekim long olsem wanem pasin bilong ritim na bihainim ol edvais bilong Baibel i helpim laip bilong ol.

“Nau laip bilong mi i gutpela moa. Tingting na bel bilong mi i wok long kamap gutpela. Mi stap amamas moa.”—Fiona.

“Taim mi stadi long Baibel, mi luksave long as tru bilong laip.”—Gnitko.

“Laip bilong mi i kamap gutpela moa. Nau mi wok liklik taim tasol na lusim bikpela taim long stap wantaim famili.”—Andrew.

I gat planti kain stori olsem. Planti man long olgeta hap bilong graun i luksave olsem Baibel i kamapim ol gutpela tok bilong stiaim ol long olgeta de.

Yumi ken skelim olsem wanem Baibel i helpim ol man long . . .

• Helt

• Bel na tingting

• Famili na pasin pren

• Lukautim gut mani

• Go klostu long God

Ol atikol i kamap bihain bai soim olsem Baibel i no wanpela buk holi tasol, nogat, em wanpela buk we inap helpim yu tu long kain kain rot.