Introdaksen

Ating yu tingting planti long prais bilong ol samting i wok long go antap? Yu wok sampela aua moa bambai yu ken kisim pe i antap liklik bilong baim ol samting yu nidim? Yu bisi na yu no gat taim bilong mekim ol samting wantaim famili? Sapos olsem, ol atikol long dispela Kirap! inap helpim yu. Ol i kamapim ol gutpela edvais we inap helpim yu long stap amamas na yu no tingting planti tumas. Laspela atikol i stori long laip i gutpela olgeta em yumi bilip na wet long en bai kamap bihain—samting yumi hop long en inap mekim isi bel bilong yumi long nau.