Stadi 16

Disisen Bilong Yu Long Mekim Laik Bilong God

Yu mas mekim wanem bilong kamap pren bilong God? (1, 2)

Olsem wanem yu ken dediket long God? (1)

Yu mas mekim wanem pastaim na bai yu ken baptais? (2)

Olsem wanem yu ken kisim strong bilong stap gut long God? (3)

1. Bilong kamap pren bilong God yu mas kisim save long tok i tru bilong Baibel (1 Timoti 2:​3, 4), bilip long ol samting yu bin lainim (Hibru 11:⁠6), tanim bel (Aposel 17:⁠30, 31), na baut na senisim pasin bilong yu. (Aposel 3:19) Nau pasin bilong laikim tumas God i mas kirapim yu long dediket long em. Bilong mekim olsem, yu yet mas beten long God na tokim em yu laik givim laip bilong yu long em bilong mekim laik bilong em.​—⁠Matyu 16:24; 22:⁠37.

2. Taim yu dediket pinis long God yu mas kisim baptais. (Matyu 28:​19, 20) Taim yu baptais, olgeta man i ken save yu bin dediketim yu yet long Jehova. Olsem na baptais em i bilong ol manmeri i bikpela liklik na ol yet inap wokim disisen long mekim laik bilong God. Taim wanpela i kisim baptais, inap liklik taim tasol bodi olgeta i mas i go insait long wara.a​—⁠Mak 1:​9, 10; Aposel 8:⁠36.

3. Taim yu dediket pinis, Jehova i laik yu mas truim tok promis yu bin mekim. (Song 50:14; Saveman 5:​4, 5) Satan bai traim long pasim yu long mekim laik bilong Jehova. (1 Pita 5:⁠8) Tasol yu mas go klostu long God long rot bilong beten. (Filipai 4:​6, 7) Stadi long Baibel long olgeta de. (Song 1:​1-3) Pas gut wantaim kongrigesen. (Hibru 13:17) Taim yu mekim ol dispela samting, bai yu kisim strong bilong stap gut long God. Na bai yu inap long mekim ol samting God i laik yu mas mekim inap long olgeta taim bihain!

[Futnot]