HAP 3

Paradais Bilong Bipo i Wanem Kain Ples?

Jehova i givim Adam na Iv planti gutpela samting. Stat 1:28

After Jehovah makes Eve, he gives her to Adam

Jehova i wokim namba wan meri, Iv, na i givim em long Adam olsem meri bilong em.—Stat 2:21, 22.

Jehova i wokim ol, na bodi na tingting bilong ol i gutpela olgeta.

Adam and Eve gaze at their Paradise home

Gaden Iden em ples bilong ol—em i wanpela naispela ples tru i gat ol wara, ol diwai prut, na ol animal.

Jehova i toktok long tupela; em i skulim ol. Sapos ol i harim tok bilong em, ol inap i stap oltaim long Paradais long graun.

God i tok i gat wanpela diwai em ol i no ken kaikai prut bilong en. Stat 2:16, 17

The tree in the garden that Jehovah told Adam and Eve not to eat from

Jehova i soim Adam na Iv wanpela diwai prut long gaden, na i tokim ol olsem sapos ol i kaikai prut bilong en, ol bai dai.

The wicked angel, Satan the Devil, uses a serpent to talk to Eve

Wanpela ensel i bikhet long God. Dispela ensel nogut em Satan.

Satan i no laik bai Adam na Iv i bihainim tok bilong Jehova. Long rot bilong wanpela snek, Satan i tokim Iv olsem sapos em i kisim prut bilong dispela diwai, em bai no dai, nogat, em bai kamap olsem God. Dispela tok em giaman.—Stat 3:1-5.