HAP 5

Bikpela Tait Wara—Husat i Harim Tok? Husat i No Harim Tok?

Long taim bilong Noa, klostu olgeta manmeri i mekim pasin nogut. Stat 6:5

Wicked angels in materialized bodies associate with women

Adam tupela Iv i kamapim ol pikinini, na ol manmeri i kamap planti long graun. Bihain, sampela ensel i go long sait bilong Satan na bikhet long God.

Ol i kam daun long graun, kisim bodi bilong man na bai ol i ken maritim ol meri. Ol meri i karim ol pikinini man i narapela kain, ol i gat bikpela strong na pasin bilong pait.

A woman holds a baby as a boy hits her; the Nephilim, sons of the wicked angels, act violently

Bihain, graun i pulap long ol manmeri i mekim pasin nogut. Baibel i tok: “Pasin bilong ol manmeri long olgeta hap i nogut tru. Ol manmeri i tingting tasol long ol samting nogut.”

Noa i harim tok bilong God na i wokim sip. Stat 6:13, 14, 18, 19, 22

Noa em i gutpela man. Jehova i tokim Noa olsem Em bai bagarapim ol man nogut long rot bilong bikpela tait.

Na tu, God i tokim Noa long wokim wanpela traipela sip, na long kisim famili bilong em na olkain animal i go insait long en.

Noah warns people of the coming Flood but they laugh at him

Noa i givim tok lukaut long ol man olsem Bikpela Tait bai kam, tasol ol i no harim. Sampela i lap long Noa; sampela i heitim em.

Noah and his family gather the animals to go into the ark

Taim ol i wokim sip pinis, Noa i kisim ol animal i go insait.