Jisas i Klinim Tempel

Long taim bilong san long yia 30 C.E., Jisas i go long Jerusalem. Planti manmeri i kam long taun long bung bilong Pasova. Wanpela hap bilong dispela bung, em ol i mas givim ol animal olsem ofa long tempel. Sampela manmeri i kisim ol animal i kam, tasol ol narapela i baim long Jerusalem.

Taim Jisas i go long tempel, em i lukim ol manmeri i salim ol animal. Ol i wok bisnis long kisim mani bilong ol yet insait long haus bilong lotuim Jehova! Jisas i mekim wanem taim em i lukim ol? Em i wokim wanpela wip long rop na rausim ol sipsip na bulmakau i go ausait long tempel. Em i kapsaitim tebol bilong ol man i senisim mani na kapsaitim ol koins bilong ol long graun. Jisas i tokim ol man i salim ol pisin balus: ‘Rausim ol dispela samting long hia! No ken mekim haus bilong Papa bilong mi i kamap ples bilong wok bisnis!’

Ol manmeri long tempel i kirap nogut long samting Jisas i mekim. Ol disaipel bilong em i tingim tok profet i stori long Mesaia: ‘Mi bai laikim tumas haus bilong Jehova.’

Bihain, long yia 33 C.E., Jisas i klinim tempel namba 2 taim. Em i no inap larim wanpela man i no soim rispek long haus bilong Papa bilong em.