No Ken Les Kwik

Samting Jisas i Mekim

VIDIO: Jisas i No Les Kwik Long Helpim Brata Bilong Em

1. Lukim VIDIO, o ritim Jon 7:​3-5 na 1 Korin 15:​3, 4, 7. Na skelim ol dispela askim:

1. Pastaim ol brata bilong Jisas i ting olsem wanem long tok em i autim?

2. Wanem samting i soim olsem Jisas i no givap long helpim brata bilong em Jems?

Yumi Kisim Wanem Skul Long Jisas?

2. Yumi no ken les kwik bikos, long sampela man, bikpela haptaim i mas lus pastaim long ol i ken kisim tok i tru, tasol sampela i kisim tok i tru hariap.

Bihainim Pasin Bilong Jisas

3. Traim narapela rot. Sapos man i no laik kirap hariap long stadi long Baibel, no ken subim em. Long taim i stret long mekim, yusim ol vidio o ol atikol bilong helpim em long kliagut long wanem samting i save kamap long taim bilong Baibel stadi na olsem wanem dispela bai helpim em.

4. No ken skelim em wantaim narapela. Olgeta man i no wankain. Sapos wanpela long famili o wanpela gobek i gat tupela tingting long stadi long Baibel o em i no wanbel long wanpela tok bilong Baibel orait skelim i gat wanem as na em i mekim olsem. Olsem wanem? I gat wanpela bilip bilong lotu bilong em i bikpela samting long em? Ol wanblut o ol neiba i putim presa long em? Larim sampela haptaim i lus bilong em i ken tingting long tok yu mekim na long pilim tok bilong Baibel.

5. Beten bilong helpim man i gat laik long harim tok. Askim Jehova long helpim yu long holim stretpela tingting na mekim gutpela pasin. Beten askim God long helpim yu long luksave sapos man i no laik long harim tok na yu bai stop long go lukim em.—1 Kor. 9:26.