Toktok Wantaim Ol Man Long Ol Samting Ol i Laikim

Samting Jisas i Mekim

VIDIO: Jisas na Meri Long Hulwara

1. Lukim VIDIO, o ritim Jon 4:​6-9. Na skelim ol dispela askim:

1. Jisas i luksave long wanem samting long dispela meri paslain long em i kirapim toktok?

2. Jisas i tok: “Givim sampela wara long mi long dring.” Bilong wanem dispela em i gutpela rot bilong kirapim toktok?

Yumi Kisim Wanem Skul Long Jisas?

2. Sapos yumi kirapim toktok long samting man bilong haus i gat laik long save long en, orait rot bai op long yumi inap toktok gut wantaim em.

Bihainim Pasin Bilong Jisas

3. Redi long senisim tok. No ken strong long kamapim tok yu redim pinis. Kirapim toktok long samting ol man i tingting long en long dispela de. Askim yu yet:

1. ‘Wanem ol stori i kamap long nius?’

2. ‘Ol neiba, ol wanwok, ol wanskul i toktok long wanem samting?’

4. Lukluk gut long ol samting. Askim yu yet:

1. ‘Man bilong haus i mekim wanem samting i stap? Em i tingting long wanem samting?’

2. ‘Klos, lukluk bilong em, o haus bilong em i givim wanem save long mi long ol bilip o kalsa bilong em?’

3. ‘Yu ting em gutpela taim long toktok wantaim em?’

5. Putim gut yau.

1. No ken toktok planti tumas.

2. Kirapim man bilong haus long kamapim tingting bilong em. Sapos i stret, givim em ol askim.