Pasin Bilong Yu Yet Long Toktok

Samting Filip i Mekim

VIDIO: Filip i Autim Tok Long Bikman Bilong Itiopia

1. Lukim VIDIO, o ritim Aposel 8:​30, 31. Na skelim ol dispela askim:

1. Filip i kirapim tok olsem wanem?

2. Bilong wanem dispela em gutpela rot Filip i bihainim bilong kirapim toktok na autim wanpela nupela tok i tru long dispela man?

Yumi Kisim Wanem Skul Long Filip?

2. Sapos yumi bihainim pasin bilong yumi yet long toktok, dispela bai mekim na man bilong haus bai i no pret na em bai amamas long harim tok bilong yumi.

Bihainim Pasin Bilong Filip

3. Lukluk gut long ol samting. Pes bilong man, na pasin bilong em long meknaisim bodi inap helpim yumi long save em wanem kain man. Em i amamas long toktok wantaim yu? Yu inap kamapim wanpela tok bilong Baibel long rot bilong givim kain askim olsem, “Yu save olsem . . . ?” No ken subim man sapos em i no laik toktok wantaim yu.

4. Stap isi na wet. No ken ting olsem kwiktaim yu mas toktok wantaim man long Baibel. Wet inap long wanpela gutpela taim, orait yu ken kamapim tok bilong Baibel long em. Sampela taim dispela i makim olsem yu mas wet i go inap long narapela taim yu toktok wantaim em gen.

5. Redi long senisim tok. Ating man bilong haus bai toktok long samting em yu no tingim. So yu mas redi long kamapim tok we i stret long em, maski sapos dispela i makim olsem yu mas stori long narapela tok bilong Baibel we yu no bin redim.