Rot Bilong Mekim Baibel Stadi Long Buk Stap Amamas Oltaim!

Paslain long stadi

1. 

   1. Redi gut. Taim yu mekim olsem, tingim ol samting sumatin i nidim, sindaun bilong em, na ol bilip bilong em. Traim long tingim sampela poin we em bai hatwok long kliagut long en o bihainim. Skelim ol samting i stap long hap “Mekim Wok Painimaut” we inap helpim sumatin bilong yu, na redi long yusim sapos i gat wok long mekim olsem long taim bilong stadi.

Long taim bilong stadi

1. 2. Beten paslain na bihain long stadi, sapos sumatin i wanbel.

2. 

   3. Was gut na no ken toktok tumas. Stori tasol long samting yupela i stadi long en, na larim sumatin i kamapim tingting bilong em.

3. 4. Taim yupela i kirapim wan wan seksen, ritim bikpela tok bilong dispela seksen na stori liklik long sampela het tok bilong dispela seksen.

4. 5. Taim yupela i pinisim wanpela seksen, go long riviu seksen na mekim riviu bilong helpim sumatin long tingim ol tok i tru em i lainim.

5. 6. Taim yu stadi long wan wan lesen wantaim sumatin bilong yu:

   1. Ritim paragraf.

   2. Ritim olgeta skripsa i gat tok “Ritim.”

   3. Ritim ol narapela skripsa ol i no raitim tok bilong en sapos i gat wok long mekim olsem.

   4. 

      Pilaim olgeta vidio i gat tok “Pilaim” (sapos yupela inap).

   5. Givim wan wan askim long sumatin.

   6. Tokim sumatin bilong yu long lukim piksa long hap “Kisim Sampela Save Moa,” na askim em long stori long en.

   7. Stori long boks “Mak Yu Laik Winim” bilong helpim sumatin bilong yu long skelim em yet olsem em i wok long kamap strong long bilip, o nogat. Ating yu ken kirapim em long bihainim mak em i ken winim i stap long lesen, o em yet i ken putim narapela mak, o em i ken wok long winim tupela mak wantaim.

   8. Askim sumatin bilong yu sapos em i amamas long ritim ol atikol o lukim ol vidio long seksen “Mekim Wok Painimaut” taim em i redim stadi bilong em.

   9. Traim long pinisim wanpela lesen long taim bilong stadi.

Bihain long stadi

1. 

   7. Tingim yet sumatin bilong yu. Beten long Jehova i ken blesim ol samting sumatin bilong yu i mekim bilong kamap strong, na em i ken givim yu savetingting long hau yu ken helpim sumatin bilong yu.