Miting Bilong Olgeta Yia​—⁠Oktoba 4, 1997

MITING BILONG OLGETA YIA bilong ol memba bilong Sosaiti Was Taua bilong Pensilvenia bai kamap long Oktoba 4, 1997, long Haus Kibung bilong ol Witnes Bilong Jehova, 2932 Kennedy Boulevard, Jersey City, New Jersey. Pastaim ol memba tasol bai miting long 9:15 long moningtaim, na miting bilong ol narapela tu bai kirap long 10 klok.

Ol memba i mas toksave nau long Ofis Bilong Seketeri sapos atres bilong ol i senis, bambai long mun Julai Ofis inap salim ol pas long ol bilong tokaut long dispela miting, na salim tu ol pepa bilong putim vot long miting, maski ol i no kam.

Sosaiti bai salim ol pepa wantaim pas i tokaut long miting, na ol memba i mas bekim long Ofis Bilong Seketeri bilong Sosaiti paslain long Ogas 1. Olgeta memba wan wan i mas raitim pepa na makim klia olsem em bai kam o nogat, na bekim kwik pepa. Olsem bai Ofis inap save husat husat bai kam.

Olgeta tok na ripot samting bilong miting bai pinis long 1 klok o bihain liklik long dispela taim. No gat hap miting long belo bek. No gat planti sia, olsem na ol man i holim tiket ol tasol inap kam insait long miting. I no gat ol narapela ples bung bilong harim ol tok long rot bilong telefon samting, nogat.

Miting Bilong Olgeta Yia bilong International Bible Students Association of Papua New Guinea Incorporated bai kamap long brens-ofis long Avaka Street, Gordon, Port Moresby long 4 klok long apinun, long Sarere, Oktoba 4, 1997.