Ol Tok Yu Ken Mekim Bilong Tilim Ol Nius

Kirap! Oktoba-Disemba

“Klostu olgeta lotu i save toktok long pasin sori na ol i lainim ol man olsem pasin bilong kilim man i dai, stil, na tok giaman, i no stret. Planti man bilong kain kain lotu i save wok strong tru long helpim ol narapela. Olsem na sapos man i givim bel tru long ol bilip bilong em na i traim long bihainim gutpela pasin long laip bilong em, yu ting em i bikpela samting long em i bilong wanem lotu? O olgeta lotu i narapela narapela rot i go long God? Tingim tok Jisas i mekim long dispela samting. [Ritim Matyu 7:​13, 14.] Dispela nius Kirap! i kamapim tok bilong Baibel long dispela bikpela samting. [Soim stori ‘Yu Ting Olgeta Lotu i Narapela Narapela Rot i Go Long God?’] Ating dispela stori bai helpim yu tru.”

Awake! Novemba 8

“Ating yu wanbel long tok olsem yumi stap long taim bilong kros na pait. [Taim man i bekim pinis, ritim 2 Timoti 3:⁠3.] Planti taim pasin bilong ‘bagarapim’ man i kamap insait long famili tu. Dispela stori, ‘Help for Battered Women,’ i tokaut long gutpela samting bai kamap bihain. Ating yu save long wanpela yu ken givim dispela nius long em bilong em i ken ritim.”

Wastaua Novemba 15

“Yumi bin harim dispela tok ‘Jisas i dai bilong helpim yumi.’ [Kolim tok bilong Jon 3:16.] Sampela taim yu bin tingting long olsem wanem indai bilong wanpela man inap kisim bek yumi olgeta? [Larim man i bekim tok.] Baibel i bekim dispela askim. Dispela stori, ‘Jisas i Kisim Bek Yumi​—⁠Olsem Wanem?’ i kamapim klia dispela samting.”