Ol Tok Yu Ken Mekim Bilong Tilim Ol Nius

Wastaua Novemba 15

“Long nau i gat planti pasin nogut long graun, olsem na sampela i save askim, ‘Bilong wanem mi mas strong long mekim pasin i stret?’ Sampela taim yu tu i save pilim olsem? [Larim man i bekim tok.] Lukim dispela gutpela tok bilong strongim yumi. [Ritim Sindaun 2:​21, 22.] Dispela nius i kamapim nambawan as tru na yumi mas mekim pasin i stret.”

Awake! Novemba

“Sampela i ting olsem God i as bilong olgeta samting i kamap. Taim wanpela bikpela bagarap i kamap, ol i tok i mas i gat as na God i bin mekim i kamap. Wanem tingting bilong yu? [Larim man i bekim tok. Nau ritim Jems 1:​13.] Dispela nius i stori long ol tok Baibel i mekim long as na pen na hevi i kamap na samting God bai mekim bilong pinisim ol dispela hevi.”

Wastaua Disemba 1

“Yu ting dispela tok profet bilong Baibel i wok long kamap tru long nau? [Ritim Matyu 24:11. Larim man i kamapim tingting bilong em.] Dispela nius i stori long sampela bilip em planti man long nau i save bihainim. Em i tokaut tu long ol samting yumi ken mekim na bai ol tisa giaman i no ken giamanim yumi.”