Ol Tok Yu Ken Mekim Bilong Tilim Ol Nius

Wastaua Novemba 15

“Planti man i no laik kisim sik na ol i laik i stap laip longpela taim. Tasol olsem wanem? Yu gat laik long i stap oltaim? [Larim man i bekim tok. Orait ritim Jon 17:⁠3.] Dispela nius i stori long tok promis bilong Baibel long laip oltaim. Em i stori tu long sindaun bilong ol man taim dispela tok promis i kamap tru.”

Awake! Novemba 22

“Insait long 20 yia i go pinis, ol i bin mekim planti samting bilong kisim save na wokim ol marasin samting bilong sik AIDS. Tasol planti man i gat tingting kranki yet long dispela sik. [Soim em blok “Myths About AIDS,” na larim man i kamapim tingting bilong em.] Dispela nius i stori long olsem wanem ol papamama i ken lukautim ol pikinini bilong ol long dispela sik.” Ritim Lo 6:​6, 7.

Wastaua Disemba 1

“Wanpela samting i mekim ol man i narapela kain long ol animal em ol man inap skelim wanem samting i stret na wanem samting i no stret. Tasol sori tru, planti man i save mekim pasin nogut. Bilong wanem yu ting ol i mekim olsem? [Larim man i bekim tok. Orait ritim Jeremaia 17:9 o KTH 12:⁠9.] Dispela nius i stori long ol samting em inap helpim yumi long save long wanem samting i stret na long mekim ol samting i stret.”