Ol Tok Yu Ken Mekim Bilong Tilim Ol Nius

Wastaua Novemba 15

“Planti manmeri i laik save bilong wanem na ol hevi i save painim ol man i wok long i go bikpela moa. Yu bin lukim tok dispela ves bilong Baibel i mekim long as na ol hevi i wok long i go bikpela? [Ritim Kamapim Tok Hait 12:⁠9. Orait larim man i bekim tok.] Dispela magasin i stori long ol pasin giaman Satan i save mekim bilong giamanim ol manmeri na yumi ken mekim wanem bilong sakim.”

Awake! Novemba 22

“Maski i gat planti kaikai inap long olgeta manmeri long graun, inap olsem 800 milion manmeri ol i sot long kaikai. Dispela em samting nogut tru, a? [Larim man i bekim tok.] Dispela magasin i skelim bikpela hevi bilong ol manmeri long ol siti long kisim kaikai. Na tu, em i stori long tok promis bilong Baibel long wanpela taim bai kamap we bai i no gat hangre.” Ritim Song 72:16a.

Wastaua Disemba 1

“Taim ol man i harim dispela tok ‘Armagedon,’ planti i save tingim wanpela bikpela bagarap em planti lain manmeri bai dai long en. [Soim blok i stap long pes 3.] Yu save tu olsem Armagedon em i wanpela gutpela samting? [Larim man i bekim tok.] Dispela magasin i stori long as na yumi ken amamas long en.” Ritim 2 Pita 3:13.