Ol Tok Yu Ken Mekim Bilong Tilim Ol Nius

Wastaua Disemba 15

“Long dispela taim bilong yia, planti manmeri i save tingim de mama i bin karim Jisas. Sampela taim yu save tingting long wanem kain famili em i bin kamap bikpela insait long en? [Larim man i bekim tok. Ritim Luk 2:​51, 52.] Dispela Wastaua i stori long ol samting yumi ken lainim long stori Baibel i mekim long i stap bilong Jisas taim em i go bikpela.”

Kirap! Oktoba-Disemba

“Planti man i tingting planti long pasin bilong bagarapim nating ol man i wok long i go bikpela. [Stori long wanpela samting olsem i bin kamap long hap bilong yupela, na larim man i bekim tok.] Dispela magasin i stori long sampela samting i save kirapim ol man long pait na bagarapim man. Na tu, em i stori long olsem wanem God bai pinisim tru pasin bilong pait na bagarapim man.” Ritim Song 37:​10, 11.

Wastaua Janueri 1

“Planti manmeri i laik tru long bel isi i mas kamap long graun. Yu ting yumi inap lukim dispela samting i kamap tru? [Ritim Song 46:⁠9. Larim man i bekim tok.] Dispela Wastaua i stori long olsem wanem dispela samting bai kamap na i gat wanem as na yumi ken bilip tru long tok promis bilong God long graun bai i no gat pait.”