Ol Tok Yu Ken Mekim Bilong Tilim Ol Nius

Wastaua Disemba 15

“Long taim bilong krismas, planti manmeri i save tingim tok ol ensel i bin autim long taim mama i karim Jisas. [Ritim Luk 2:14.] Yu ting bel isi bai kamap long graun? [Larim man i bekim tok.] Dispela magasin i stori long olsem wanem Jisas bai kamapim bel isi long graun.”

Awake! Disemba

“Ol lotu i gat kain kain tingting long pasin bilong kisim strongpela dring. Yu ting God i gat wanem tingting long pasin bilong kisim ol strongpela dring? [Larim man i bekim tok.] Tru, long namba wan mirakel Jisas i wokim em i tanim wara i kamap wain, tasol Baibel i givim dispela tok lukaut tu. [Ritim Sindaun 20:⁠1.] Dispela magasin i kamapim stretpela tingting bilong Baibel long dispela samting.” Kamapim stori i kirap long pes 18.

Wastaua Janueri 1

“Yu ting sapos man i gat bikpela mani kago dispela inap makim olsem man i stap gut? [Larim man i bekim tok. Orait, ritim 1 Timoti 6:​9, 10.] Tru, Baibel i no tok mani i samting nogut, tasol Baibel i tokaut olsem mani tasol i no inap helpim man long i stap gut. Dispela magasin i stori long dispela samting.”

Kirap! Janueri-Mas

“Sampela i ting olsem God i as bilong olgeta samting i kamap. Taim wanpela bikpela bagarap i kamap, ol i tok i mas i gat as na God i bin mekim i kamap. Wanem tingting bilong yu? [Larim man i bekim tok. Nau ritim Jems 1:​13.] Dispela nius i stori long ol tok Baibel i mekim long as na pen na hevi i kamap na samting God bai mekim bilong pinisim ol dispela hevi.”