Ol Tok Bilong Tilim Ol Nius

Wastaua Dis. 15

“Long dispela taim bilong Krismas, planti man i traim long mekim gutpela pasin na pasin sori long ol narapela. Yu ting dispela graun bai i gutpela ples moa bilong i stap long en sapos ol man i mekim pasin sori long narapela long yia olgeta? [Larim man i bekim tok. Ritim 1 Pita 3:⁠8.] Dispela nius i stori long ol gutpela samting em pasin sori i save kamapim na i kolim sampela rot we yumi inap kamapim dispela pasin.”

Kirap! Jan.-Mas

“Yu ting ol famili bilong yumi i dai pinis ol bai i stap laip gen? [Larim man i bekim tok.] Baibel i tok dai bai pinis. [Ritim Song 68:20.] Dispela nius i helpim yumi long save bilong wanem yumi no ken pret long dai na ting em i pinis bilong laip.”

Wastaua Jan. 1

“Planti man i save beten long Kingdom Bilong God i mas i kam. Tingim beten Jisas i bin lainim ol disaipel bilong em long mekim. [Ritim Matyu 6:​9, 10.] Sampela taim yu bin tingting long dispela Kingdom em i wanem samting na em bai kam long wanem taim? [Larim man i bekim tok.] Dispela nius i kamapim tok Baibel i mekim long dispela samting.”

Awake! Jan.

“Kirap long bipo yet na i kam inap long nau, ol man i bin daunim na mekim nogut long ol meri. Yu ting bilong wanem i olsem? [Larim man i bekim tok.] Lukim tok Baibel i mekim long pasin ol man marit i mas mekim long meri bilong ol. [Ritim 1 Pita 3:⁠7.] Dispela nius i kamapim tok bilong Baibel long God na Krais i save ting olsem wanem long ol meri.”