Ol Tok Yu Ken Mekim Bilong Tilim Ol Nius
Wastaua Janueri 1
“Ol manmeri inap mekim planti gutpela samting, tasol planti taim ol i mekim ol pasin nogut tru. Sampela taim yu tingting bilong wanem i olsem? [Larim man i bekim tok.] Dispela nius i kamapim bekim bilong Baibel long dispela askim. Em i stori tu long olsem wanem gutpela pasin bai daunim pasin nogut.” Ritim Rom 16:20.
Awake! Janueri
“Sampela taim yu tingting long i stap bilong ol manmeri bai olsem wanem long 20 o 30 yia bihain? [Larim man i bekim tok. Ritim Song 119:105.] Baibel i soim rot na bai yumi ken luksave long ol samting bai kamap bihain. Dispela nius i skelim ol tok profet i soim wanem haptaim yumi stap long en long nau na bilong wanem yumi ken ting gutpela samting bai kamap bihain.”
Kirap! Janueri-Mas
“Pasin bilong dring planti tumas i kamapim planti hevi. Dispela nius i stori long ol samting strongpela dring inap mekim long bodi bilong yumi. [Soim piksa long pes 7.] Dispela nius i stori long ol samting ol man i ken mekim bilong lusim pasin bilong dring planti tumas na ol samting ol narapela inap mekim bilong helpim ol.”