Ol Tok Yu Ken Mekim Bilong Tilim Ol Nius

Wastaua Novemba 15

“Sampela man i laik save sapos yumi mas i gat ol haus lotu na tempel bilong lotuim God. Yu ting olsem wanem? [Larim man i bekim tok.] Lukim tok Baibel i mekim long dispela samting. [Ritim Aposel 17:24.] Orait wanem wok bilong ol haus bilong mekim lotu? Dispela magasin i kamapim tok bilong Baibel bilong bekim dispela askim.”

Awake! Novemba 22

“Yu ting wanpela taim bai kamap na saiens i pinisim ol sik? [Larim man i bekim tok.] Dispela Awake! i skelim sampela gutpela wok saiens i bin kamapim. Na tu, nius i kamapim as na Man bilong wokim olgeta samting, em tasol i gat strong long pinisim tru sik na indai.” Ritim Song 146:​3-5, na tilim nius.

Wastaua Disemba 1

“Nau long dispela taim, klostu olgeta man i gat hevi bilong mani. Ol lotu tu i kisim wankain hevi, na nau ol i strong moa long singaut long mani. Olsem wanem? Yu tingting planti long dispela samting? [Larim man i bekim tok. Nau ritim 1 Tesalonaika 2:⁠9.] Dispela Wastaua i skelim tok Baibel i mekim long dispela samting.”