Ol Tok Yu Ken Mekim Bilong Tilim Ol Nius

Wastaua Janueri 15

“Yumi olgeta i laik bai sindaun bilong yumi na ol pikinini bilong yumi i gutpela, tasol planti i pilim olsem ol i no gat rot long kisim gutpela sindaun. Yu ting yumi ol man yet inap long bosim ol samting bai painim yumi long bihain? [Larim man i bekim tok.] Dispela magasin i kamapim tok bilong Baibel olsem yumi gat rot bilong kisim gutpela sindaun na ol samting yumi mekim long nau bai stiaim ol samting i painim yumi long bihain.” Ritim Lo 30:19.

Kirap! Janueri-Mas

“Yumi sori tru long harim olsem long olgeta yia planti milion yangpela meri i kisim bel nating, a? [Larim man i bekim tok.] Dispela magasin i stori long ol samting ol i ken mekim bilong karim ol hevi bilong ol yangpela mama. Na em i stori tu long olsem wanem ol papamama i ken helpim ol pikinini bilong ol long abrusim dispela kain hevi paslain long em i kamap.” Ritim 2 Timoti 3:15.

Wastaua Februeri 1

“Taim yumi lukim olsem planti manmeri long nau ol i karim hevi long narapela i mekim nogut long ol na paitim ol, dispela i mekim yumi tingting planti, a? [Stori long wanpela samting olsem i bin kamap long hap bilong yupela, na larim man i bekim tok.] Dispela magasin i stori long tingting bilong God long laip bilong ol man. Em i stori tu long olsem wanem God bai kisim bek yumi long olgeta hevi i save painim yumi long nau.” Ritim Song 72:12-14.