Ol Tok Yu Ken Mekim Bilong Tilim Ol Nius

Wastaua Julai 15

“Yu ting bai i gat wanpela taim we wanpela gavman inap stretim olgeta hevi bilong ol man? [Larim man i bekim tok.] Jisas i skulim ol disaipel bilong em long beten long kain gavman olsem long tok bilong em i stap long Matyu 6:​9, 10. [Ritim.] Dispela magasin i stori long as na Kingdom Bilong God i winim gavman bilong ol man, na em i stori tu long ol gutpela samting em Kingdom Bilong God bai mekim long ol man.”

Awake! Julai

Taim yu bungim wanpela yangpela, yu ken tok: “Planti yangpela i gat wankain krismas olsem yu ol i gat laik long marit. Yu ting yu inap painim we ol tok i stori long dispela samting na yu inap bilip tru long en? [Larim man i bekim tok.] Lukim tok Baibel i mekim long husat i as bilong marit. [Ritim Matyu 19:⁠6.] Dispela magasin i kamapim sampela stiatok bilong Baibel bilong helpim marit long i stap amamas.”

Wastaua Ogas 1

“Long nau planti taim yumi lukim ol man i mekim nogut long narapela. Yu ting ol samting bai senis sapos planti man moa i bihainim dispela tok bilong Jisas? [Ritim Matyu 7:12. Larim man i bekim tok.] Dispela magasin i kamapim ol tok bilong Baibel i soim olsem klostu nau bai i gat pasin we olgeta man i soim rispek long ol narapela.”