Ol Tok Bilong Tilim Ol Nius

Wastaua Jun 15

“Olsem wanem? Yu luksave olsem planti man long nau ol yet i laik makim wanem pasin i stret o i no stret? [Larim man i bekim tok.] Em hia wanpela stiatok bilong Baibel em inap helpim ol man long olgeta taim. [Ritim wanpela skripsa i stap long blok long pes 6-7.] Dispela nius i stori long olsem wanem pasin bilong bihainim tok bilong Baibel long stretpela pasin inap helpim yumi.”

Awake! Jun

“Yumi olgeta i mas i gat mani bilong lukautim yumi. Yu ting yumi inap tingting planti tumas long painim mani? [Larim man i bekim tok.] Lukim dispela tok i stori long wanem samting i painim man sapos em i wok strong long kisim mani. [Ritim 1 Timoti 6:10.] Dispela nius i kamapim sampela gutpela tok long olsem wanem yumi ken lusim sampela samting bilong skin na nau yumi no gat wok long kisim bikpela mani bilong lukautim yumi.”

Wastaua Julai 1

“Sampela taim yu bin tingting bilong wanem ol man i save mekim nogut long ol man bilong narapela skin, kantri, o tok ples? [Larim man i bekim tok.] Lukim dispela tok i kamapim as bilong dispela pasin. [Ritim 1 Jon 4:20.] Dispela nius i bekim askim, Yu ting pasin wanbel inap kamap namel long olgeta lain man?”

Kirap! Julai-Septemba

“Sampela man i gat gutpela sindaun tru, tasol planti milion i stap rabis. Yu ting wanpela taim bai kamap we olgeta man bai i gat wankain sindaun? [Larim man i bekim tok.] Lukim tok hia i soim God i gat wanem tingting long ol rabisman. [Ritim Song 22:24.] Dispela nius i stori long tok promis bilong Baibel long gutpela samting bai painim ol man i stap rabis.”