Ol Tok Bilong Tilim Ol Nius

Wastaua Jun 1

“Planti man i bilip olsem olgeta lotu bilong graun ol i narapela narapela rot bilong i go long wanpela God tasol. Wanem tingting bilong yu? [Larim man i bekim tok.] Lukim tok Baibel i mekim. [Ritim Josua 24:15.] Ol dispela stori i kamapim sampela as na yumi mas skelim lotu bilong yumi yet, olsem dispela lotu i bringim yumi i go long trupela God, o nogat.” Soim stori i stap long pes 12.

Awake! June

“Yumi olgeta i save long ol man em ol i dai pinis. Yu ting yumi mas pret olsem sampela bilong ol bai kros na ol i laik bagarapim yumi? [Larim man i bekim tok. Orait ritim Saveman 9:​4-6.] Dispela stori bai mekim gut bel bilong yu.” Soim stori long pes 22.

Wastaua Julai 1

“Planti man i gat Baibel ol i pilim olsem tok bilong en i hatwok long ol i kisimgut. Yu tu i bin pilim olsem? [Larim man i bekim tok.] Long dispela ves, Man i As bilong ol tok bilong Baibel em i laik bai yumi kliagut long Tok bilong em na kisim helpim long en. [Ritim Song 119:130.] Dispela nius i kamapim tripela poin bilong helpim yumi long kisimgut ol tok bilong Baibel.”

Awake! Julai

“Sik bilong bikpela bel hevi i kisim planti man long nau. Yu ting God i tingim ol man husat i karim dispela hevi? [Larim man i bekim tok. Orait ritim Song 34:18.] Dispela nius i stori long olsem wanem ol inap kisim helpim long God, maski ol i mas kisim tu ol marasin long haus sik. Nius i kamapim sampela tok em yumi ken mekim bilong mekim gut bel bilong ol.”