Ol Tok Bilong Tilim Ol Nius

Wastaua Julai 1

“Planti bilong yumi i no save wanem tok bai yumi mekim long pren husat i gat bikpela sik o sik we em bai dai. Yu gat wanem tingting long dispela tok? [Ritim Jems 1:19. Larim man i bekim tok.] Dispela stori i gat planti gutpela tok yumi ken mekim em ol stiatok bilong Baibel i as bilong en.” Soim stori i kirap long pes 10.

Awake! July

“Yu ting i stret ol meri i ken kamap pasto samting? [Larim man i bekim tok.] Dispela em tok Baibel i mekim long wanpela meri. [Ritim Rom 16:⁠1.] Tasol i gat narapela ves i tok ol meri i mas pasim maus insait long kongrigesen. So Baibel i gat wanem tingting long dispela samting? Dispela stori i kamapim gut dispela samting.” Soim stori i kirap long pes 28.

Wastaua Ogas 1

“Planti man i pret olsem pait nuklia o bikpela senis long weda bai bagarapim dispela graun. Yu ting dispela samting bai kamap? [Larim man i bekim tok.] Lukim tok Baibel i mekim long dispela samting. [Ritim KTH 11:18.] Dispela magasin i bekim 4-pela askim em planti man i save mekim long pinis bilong dispela graun.”

Awake! August

“Ating ol Witnes Bilong Jehova i bin toktok wantaim yu long bipo. Sampela taim yu bin tingting long i gat wanem as na mipela i save go long haus bilong ol man, na moa yet taim planti man i no laik harim tok? [Larim man i bekim tok. Ritim Matyu 24:14.] Mipela i lukim olsem planti man i gat tingting kranki long mipela. Dispela magasin i stori gut long ol Witnes Bilong Jehova ol i husat tru.”