Ol Tok Bilong Tilim Ol Nius

Wastaua Julai 1

“Yu ting yumi ol man inap painim bel isi long dispela taim i gat planti hevi long en? [Larim man i bekim tok.] Lukim tok Baibel i mekim long Filipai 4:​6, 7. [Ritim.] Dispela atikol i stori long olsem wanem yumi ken kisim bel isi em God i save givim.” Soim atikol i kirap long pes 10.

Awake! Juai

“Planti bilong yumi i amamas long ol samting papamama bilong yumi i bin lainim yumi long en. Sapos yumi skelim ol tok bilong lotu em yumi bin lainim taim yumi liklik pikinini, yu ting dispela i soim olsem yumi no rispek long papamama? [Larim man i bekim tok. Ritim 1 Jon 4:⁠1.] Dispela atikol i stori long i gat rong long senisim lotu bilong yumi o nogat.” Soim atikol i kirap long pes 28.

Wastaua Ogas 1

“Sampela i save tok olgeta lotu i narapela narapela rot i bringim yumi i go long wankain God. Yu ting olgeta lotu i gutpela? [Larim man i bekim tok. Ritim Matyu 7:​13, 14.] Dispela nius i stori long tripela samting em Baibel i tok gutpela lotu i mas kirapim ol man long mekim.”

Kirap! Julai-Septemba

“Olsem yu save, ol manmeri i save tok pait long i stret meri i rausim bel o nogat. Yu ting Baibel inap helpim wanpela husat i wok long skelim olsem em bai rausim bel o nogat? [Larim man i bekim tok. Ritim 2 Timoti 3:​16, 17.] Dispela nius i stori long tok Baibel i mekim long dispela samting.”