Ol Tok Bilong Tilim Ol Nius

Wastaua Ogas 1

“Planti man i ting olgeta gutpela man bai i go long heven. Yu tu i ting olsem? [Larim man i bekim tok.] Lukim tok dispela ves i mekim long graun. [Ritim Song 37:​11, 29.] Dispela stori i kamapim ol samting Jisas i bin skulim ol man long en long ol samting bai painim ol manmeri long graun long bihain.” Stori long tok i kirap long pes 22.

Awake! Ogas

“Sapos papa o mama i dai, dispela i save givim bikpela bel hevi long yumi. Ating yu tu i pilim olsem, a? [Larim man i bekim tok.] Dispela ves bilong Baibel i bin mekim gut bel bilong planti man. [Ritim KTH 21:⁠4.] Dispela stori i soim olsem wanem yumi ken karim dispela hevi, na i helpim moa yet ol yangpela.” Soim stori i kirap long pes 10.

Wastaua Septemba 1

“Sampela i tok, sapos yu stap gut long God, em bai blesim yu long planti mani kago samting, tasol sapos man i stap rabis, dispela i makim olsem God i no amamas long em. Yu gat wanem tingting long dispela samting? [Larim man i bekim tok.] Jisas i no maniman. [Ritim Luk 9:58.] Dispela nius i stori long ol gutpela blesing ol wokman bilong God inap wetim.”

Awake! Septemba

“Yu ting ol yangpela i gat planti hevi moa long nau, winim bipo? [Larim man i bekim tok.] Planti man i ting dispela ves i stori stret long ol samting i kamap long nau. [Ritim 2 Timoti 3:⁠1.] Dispela nius i kamapim sampela gutpela stiatok bilong Baibel em ol inap helpim ol papamama na ol yangpela long karim hevi.”