Ol Tok Bilong Tilim Ol Nius

Wastua Me 1

“Sapos olgeta man i bihainim dispela tok bilong Jisas, yu ting graun bai stap olsem wanem? [Ritim Matyu 7:​12. Larim man i bekim tok.] Dispela atikol i stori long sampela tok Jisas i mekim bilong kamapim wanem ol samting i mekim na man i stap olsem wanpela Kristen.” Soim stori i kirap long pes 16.

Awake! Me

“Yu ting klostu nau ol hevi bilong mani bai pinis? [Larim man i bekim tok.] Planti man i no save olsem Baibel inap helpim yumi long kain taim olsem. [Ritim wanpela skripsa i stap insait long atikol.] Dispela atikol i soim olsem wanem tok bilong Baibel inap helpim yumi long karim hevi bilong mani.” Soim stori i kirap long pes 18.

Wastua Jun 1

“Planti lotu long nau i no save stori tumas long sin, olsem bipo ol i bin mekim. Yu ting stori bilong sin em wanpela tingting bilong bipo, o em wanpela samting yumi mas tingting long en? [Larim man i bekim tok. Ritim Rom 5:​12.] Dispela magasin i kamapim ol tok Baibel i mekim long sin.”

Awake! Jun

“I luk olsem ol presa bilong laip i wok long i go bikpela. Yu wanbel long dispela tok? [Larim man i bekim tok.] Planti i ting olsem dispela tok i kamapim wanpela as na ol man i gat planti presa. [Ritim 2 Timoti 3:⁠1.] Dispela magasin i stori long samting presa i save mekim long yumi. Em i givim sampela tok bilong helpim yumi na bai presa i no ken daunim yumi olgeta.”