Ol Tok Bilong Tilim Ol Nius

Wastaua Mas 1

“Sampela taim i hatwok tru long bihainim stretpela pasin taim ol man i strong long yumi bihainim laik bilong ol. Yu ting wanem samting i ken helpim yu long sakim dispela traim? [Larim man i bekim tok. Bihain ritim Sindaun 29:25.] Dispela gutpela stori i kamapim faipela as na yumi mas pret long God na no ken pret long man.” Soim stori i stap long pes 12.

Kirap! Epril-Jun

“Yumi olgeta i amamas long ol gutpela pren. Yu laik bai pren bilong yu i gat wanem kain pasin? [Larim man i bekim tok.] Lukim dispela tok long Baibel. [Ritim Sindaun 17:17.] Dispela stori i gat ol gutpela tok bilong makim ol gutpela poroman, na long olsem wanem yu ken kamap gutpela pren bilong ol narapela.” Soim stori i stap long pes 18.

Wastaua Epril 1

“Mi laik kisim tingting bilong yu long dispela tok Jisas i kamapim. [Ritim Jon 3:⁠3.] Yu ting pasin bilong kamap nupela gen i makim wanem samting? [Larim man i bekim tok.] Sapos yumi gat stretpela tingting long dispela tok bilong Jisas, dispela inap senisim i stap bilong yumi na samting yumi ting bai i kamap long bihain. Dispela nius i kamapim gut as bilong dispela tok.”

Awake! Epril

“I luk olsem planti skul pikinini i gat planti wok tumas long skul na ol i no stap isi. Yu ting ol samting bilong nau i wankain olsem long taim bilong papamama bilong ol? [Larim man i bekim tok.] Sapos man i gat planti wok tumas dispela inap kamapim sampela hevi. [Ritim Sindaun 12:25a] Dispela nius i stori long olsem wanem ol man i bikpela pinis inap helpim ol yangpela long karim dispela hevi.”