Ol Tok Bilong Tilim Ol Nius

Wastaua Epril 1

“Sampela rait i tok olsem Jisas i no bin i dai olsem Baibel i tok, tasol ol i tok olsem em i bin marit na kamapim ol pikinini. Olsem wanem? Yu bin harim dispela kain stori? [Larim man i bekim tok.] Em i bikpela samting long yumi mas save long tok i tru. [Ritim Jon 17:⁠3.] Dispela atikol i kamapim ol as na yumi inap bilip long ol stori em Baibel i kamapim long Jisas.” Soim stori i kirap long pes 26.

Awake! Epril

Ritim Song 37:​9-​11. Na askim man: “Yu ting graun bai i stap olsem wanem taim truim bilong dispela tok i kamap? [Larim man i bekim tok.] Dispela atikol i stori long dispela gutpela tok profet na i kamapim as na yumi save lukim planti pasin nogut long graun long nau.” Soim stori i kirap long pes 20.

Wastaua Me 1

“Sampela taim yu bin tingting long bilong wanem God i larim pen na hevi i stap? [Larim man i bekim tok.] Lukim tok wanpela man bilong raitim Baibel i mekim bilong kamapim askim em planti man i save mekim. [Ritim Song 10:⁠1.] Dispela magasin i skelim tok Baibel i mekim long bilong wanem God i larim pen na hevi i stap na ol samting em bai mekim bilong pinisim.”

Awake! Me

“Planti i laik lusim pasin bilong smok tasol ol i hatwok tru long lusim. Yu save long wanpela husat i laik lusim pasin bilong smok? [Larim man i bekim tok.] Sampela i pilim olsem ol i kisim gutpela helpim taim ol pren na famili i sapotim ol. [Ritim Saveman 4:​12a.] Dispela magasin i kamapim sampela gutpela tok bilong helpim man long lusim pasin bilong smok.”