Ol Tok Bilong Tilim Ol Nius

Wastaua Februeri 1

“Planti bilong yumi i gat lotu bilong yumi yet. Yu ting pasin bilong yumi long lotuim God em i bikpela samting long God? [Larim man i bekim tok. Orait, ritim Matyu 15:⁠9.] Dispela atikol i skelim fopela samting bilong trupela lotu olsem Jisas i bin kolim.” Soim stori i kirap long pes 16.

Awake! Februeri

“Sampela i bilip long Man Bilong Wokim olgeta samting, tasol sampela i ting dispela bilip em i no gat as bilong en. Yu gat wanem tingting long dispela samting? [Larim man i bekim tok.] Olsem Baibel i tok, bilip tru i mas i gat as bilong en. [Ritim Hibru 11:⁠1.] Dispela atikol i stori long sampela samting i soim olsem i gat wanpela Man Bilong Wokim olgeta samting.” Soim stori i kirap long pes 22.

Wastaua Mas 1

“Yu ting Baibel em Tok Bilong God, o yu ting em wanpela gutpela buk tasol? [Larim man i bekim tok.] Lukim tok em Baibel yet i mekim. [Ritim 2 Timoti 3:​16, 17.] Dispela magasin i helpim yu long kisim stretpela save long dispela samting na bilong wanem i bikpela samting long kisim dispela save.”

Awake! Mas

“Olsem planti man, ating yu save amamas long ol gutpela samting bilong graun olsem ol plaua na animal samting. Olsem wanem? Yu wanbel long tok olsem ol dispela samting i kamapim savetingting bilong Man Bilong Wokim ol dispela samting? [Larim man i bekim tok. Orait, ritim Song 104:24.] Dispela magasin i stori long sampela gutpela samting em God i bin wokim na i stori long skul yumi inap kisim long ol dispela samting.”