Ol Tok Bilong Tilim Nius

Wastaua April 1

“Sampela man i ting God i makim pinis samting i mas painim yumi ol man long bihain, na sampela i ting yumi yet i makim samting bai painim yumi long bihain. Yu ting wanem? [Larim man i bekim.] Lukim dispela tok. [Ritim Saveman 9:11.] Dispela magasin i kamapim bekim bilong Baibel long dispela askim, ‘Yu ting God i makim pinis ol samting bai painim yumi?’ ” Soim stori i stap long pes 26.

Awake! April

“Planti marit i divos, long wanem, man o meri i no stap gut long poroman marit bilong em. Taim ol marit lain i bihainim tok bilong dispela ves, yu ting dispela bai helpim marit bilong ol long i stap strong? [Ritim Matyu 5:28. Larim man i bekim.] Dispela magasin i mekim wok long ol tok bilong Baibel bilong helpim ol marit long abrusim pasin bilong i no stap gut long poroman marit.” Soim stori i stap long pes 28 na 29.

Wastaua May 1

“Yu ting wanem samting inap mekim na i hatwok long man i bilip long God? [Larim man i bekim.] Olsem dispela ves i kamapim, bilip em i bikpela samting tru. [Ritim Hibru 11:⁠6.] Dispela magasin i stori long 4-pela rot yumi ken bihainim bilong strongim bilip bilong yumi.”

Awake! May

“Long nau, planti man i wok long soim pepa ol i bin kisim long dokta long kisim marasin, na ol i kisim planti tumas marasin. Yu ting i gat wanem as na ol i kisim planti tumas marasin? [Larim man i bekim.] Baibel i tokaut long wanpela as na ol i mekim olsem, na dispela tok i go moa yet long ol pikinini. [Ritim Sindaun 13:20.] Dispela magasin i stori long olsem wanem yu ken banisim yu yet na famili bilong yu long dispela hevi.”