Ol Tok Bilong Tilim Ol Nius

Wastaua Feb. 1

“Sapos ol famili i bihainim dispela tok, dispela bai mekim wanem long ol? [Ritim Efesus 4:31. Larim man i bekim tok.] Dispela stori i kamapim sampela gutpela tok bilong Baibel bilong helpim ol marit long stretim ol kros na long i stap amamas.” Soim stori i kirap long pes 18.

Awake! Feb.

“Sampela man i ting olsem God i save tingim olgeta wan wan sin yumi mekim. Na sampela i ting olsem God i save lusim tingting long olgeta sin bilong yumi, maski ol i bikpela sin. Yu gat wanem tingting long dispela samting? [Larim man i bekim tok. Ritim Aposel 3:19.] Dispela stori i kamapim 3-pela rot em Baibel i stori long en, em man i ken bihainim na bai God i marimari long em.” Soim stori i kirap long pes 10.

Wastaua Mas 1

“Mi laik kisim tingting bilong yu long dispela skripsa planti man i save long en. [Ritim Jon 3:16.] Sampela taim yu bin tingting long olsem wanem indai bilong wanpela man inap helpim ol man long kisim laip? [Larim man i bekim tok.] Dispela magasin i kamapim gutpela bekim long olsem wanem indai bilong Jisas inap helpim yumi.”

Awake! Mas

“Yu ting olgeta lotu i gutpela? [Larim man i bekim tok.] Lukim tok Baibel i mekim long pasin bilong sampela man long mekim lotu. [Ritim Mak 7:⁠7.] Olsem wanem man inap save sapos wanpela lotu i skulim ol man long tok i tru na i no skulim ol long ‘lo bilong ol man tasol’? Yu ting man inap save long tok i tru? Dispela magasin i bekim ol dispela askim.”