Baibel—Strong Bilong En Long Laip Bilong Yu
Baibel i bin helpim planti milion manmeri long senisim na mekim laip bilong ol i kamap gutpela. Wanem sampela stiatok bilong Baibel i helpim yumi long karim ol hevi bilong nau, sapos yumi bihainim ol dispela stiatok? Yu bai amamas long kisim bekim bilong dispela askim long rot bilong skelim vidio The Bible—Its Power in Your Life. Em namba tu vidio i stap long DVD i gat tripela vidio long en, nem bilong DVD em The Bible—A Book of Fact and Prophecy. Bihain long yu lukim dispela vidio, yu inap bekim ol dispela askim?
(1) Bilong wanem yumi ken tok Baibel i no wanpela gutpela buk tasol? (Hi. 4:12) (2) Sapos Baibel inap helpim ol man long mekim laip bilong ol i kamap gutpela, bilong wanem ol manmeri i gat planti hevi? (3) Wanem bikpela as tok bilong Baibel? (4) Vidio i kamapim wanem ol skripsa bilong helpim ol marit long (a) toktok gut wantaim na (b) bosim belhat bilong ol? (5) Olsem wanem tingting ol Kristen i gat long marit i helpim sindaun bilong famili i kamap gutpela? (Ef. 5:28, 29) (6) Olsem wanem Jehova i stap nambawan gutpela piksa ol papamama i ken bihainim? (Mk. 1:9-11) (7) Olsem wanem ol papamama i ken mekim famili stadi i kamap samting em famili i laikim? (8) Baibel i tok ol papamama i mas stadi long Baibel wantaim ol pikinini, tasol Baibel i kirapim ol papamama long mekim wanem samting moa? (9) Olsem wanem ol tok bilong Baibel inap helpim ol famili long karim hevi bilong mani? (10) Wanem ol stiatok bilong Baibel long pasin bilong i stap klin, kisim drak na planti tumas alkohol, na tingting planti, i helpim ol man na bai ol i no sik tumas, sapos ol i bihainim ol dispela stiatok? (11) Wanem ol tok promis bilong Baibel inap strongim yumi? (Jop 33:25; Sng. 145:16) (12) Olsem wanem ol tok bilong Baibel i bin helpim laip bilong yu i kamap gutpela? (13) Olsem wanem yu inap yusim dispela vidio bilong helpim ol narapela?