Tingting Bilong Yumi Long Video The Bible—Its Power in Your Life
Bilong bekim ol dispela askim hia, kamapim tingting bilong yu long ol tok bilong dispela video. (1a) Wanem samting i bin strongim planti milion manmeri long senisim pasin bilong ol na mekim i kamap gutpela? (Hi 4:12) (1b) Yumi mas mekim wanem bilong kisim dispela strong na mekim wok long en long i stap bilong yumi? (2) Video i kolim wanem ol skripsa bilong helpim ol marit (a) long toktok gut wantaim na (b) long bosim gut bel? (3) Olsem wanem tingting bilong ol Kristen long marit i senisim i stap bilong famili na mekim i kamap gutpela moa? (Ef 5:28, 29) (4) Olsem wanem God Jehova i stap olsem gutpela piksa long pasin bilong givim 3-pela samting long ol pikinini em ol samting ol i laikim na ol i mas kisim, na olsem wanem ol papamama long nau i ken mekim wankain pasin? (Mk 1:9-11) (5) Bilong wanem ol papamama yet i mas lainim pikinini bilong ol long tok bilong Baibel, na wanem samting i kamapim klia ol i mas mekim olsem long olgeta taim? (Lo 6:6, 7) (6) Ol papamama i ken mekim wanem bambai famili-stadi i ken kirapim tingting bilong famili? (7) Baibel i kirapim ol papamama long stadi wantaim ol pikinini long Baibel, na em i kirapim ol long givim wanem samting moa? (8) Olsem wanem tok bilong Baibel i ken helpim ol famili long stap gut long ol samting bilong skin? (9) Wanem ol tok bilong Baibel i ken helpim man na em i no kisim sik planti taim tumas, sapos em i bihainim ol dispela tok? (10) Olsem wanem ol tok na lo bilong Baibel i bin helpim i stap bilong yu? (11) Sapos wanpela man yu save mekim gobek long em i lukim dispela video, olsem wanem dispela inap kirapim em long stadi long Baibel?