Ol Tok Bilong Tilim Ol Nius

Wastaua Disemba 1

“Em tru olsem ol wanpis papa na wanpis mama i save karim bikpela hevi moa, a? [Larim man i bekim tok.] Baibel i kirapim yumi long tingim gut ol lain husat i gat hevi. [Ritim Song 41:⁠1.] Stori i kirap long pes 22 i stori long olsem wanem yumi inap soim olsem yumi tingim ol papa na mama wanpis.”

Awake! Disemba

“Planti man i gat askim olsem, ‘Sapos God i stap, bilong wanem em i no laik bagarapim na pinisim Satan?’ Yu tu i gat kain askim olsem? [Larim man i bekim tok.] Dispela stori i stap long pes 10 na 11 i kamapim ol tok Baibel i mekim bilong bekim dispela askim. Em i stori tu long ol manmeri bai i gat wanem kain sindaun taim Satan i no stap moa.” Ritim KTH 21:​3, 4.

Wastaua Janueri 1

“Planti man i ting olsem gaden Iden em wanpela stori nating. Yu bin save tu olsem Jisas i toktok long Adam na Iv olsem man na meri husat i bin i stap tru long bipo? [Larim man i bekim tok. Ritim Matyu 19:​4-6.] Dispela magasin i bekim sampela bikpela askim ol man i gat long gaden Iden.”

Awake! Janueri

Soim fran pes bilong magasin na tok, “Bai yu bekim dispela askim olsem wanem? [Larim man i bekim tok.] Ol tok bilong Baibel i kirapim ol man long stap wanbel wantaim ol narapela. [Ritim Jems 3:17.] Orait, bilong wanem ol lotu i no helpim ol man long i stap wanbel wantaim? Yu ting ol lotu inap kamapim bel isi? Dispela magasin i kamapim bekim bilong ol dispela askim.”