Taim Yumi Autim Tok Kisim Tingting Olsem Taim i Sot Pinis

Oltaim kisim tingting olsem taim i sot pinis, na i bikpela samting long ol man i mas abrusim bagarap long pinis bilong pasin nogut bilong dispela graun. Yumi strongim dispela tingting long rot bilong bihainim ol dispela tok.

• Olgeta taim beten long Kingdom.​—Mat. 6:10.

• Lukautim gut bel na tingting long rot bilong ritim Baibel long olgeta de.​—Hib. 3:12.

• Yusim gut taim bilong yu.​—Efe. 5:15, 16; Fili. 1:10.

• Ai i mas “lukluk long wanpela samting tasol.” No ken larim ol laik nogut bilong graun i pulim yu.​—Mat. 6:22, 25; 2 Tim. 4:10.

• Luksave long truim bilong ol tok profet bilong Baibel i wok long kamap na dispela bai helpim yu long was i stap.​—Mak 13:35-37.

Pasin bilong tingim olsem taim i sot pinis bai kirapim yumi long strong long mekim dispela wok we i stap yet!​—Jon 4:34, 35.