Nupela Tul Bilong Mekim Wok Painimaut

Planti milion pablisa long olgeta hap i save mekim gutpela wok long Watch Tower Publications Index bilong mekim wok painimaut. Tasol dispela indeks i gat planti samting tru long en, olsem na ol i wokim long wan wan tokples tasol. Olsem na ol i bin wokim Stadi Indeks Bilong Ol Witnes Bilong Jehova long 170 tokples. Ol referens i stap long Stadi Indeks, em bilong ol buk samting ol i wokim kirap long yia 2000 na i kam. Ol i no prinim Stadi Indeks long ol tokples em ol i gat pinis Index, tasol em i stap tu long Watchtower Library na Watchtower—ONLINE LIBRARY. Stadi Indeks bai helpim yu long mekim wok painimaut na kisim bekim bilong ol askim em ol man i save kamapim long ol tok bilong Baibel, kisim save tu long ol samting yu yet i laik save long en, na tu, redim ol miting bilong kongrigesen na famili lotu.