Rot Bilong Autim Tok

Bilong Tilim Invatesen Pepa Bilong Memorial

“Mipela i wok long tilim dispela invatesen pepa long ol man long wanpela bikpela bung bai kamap. Long Epril 3, planti milion manmeri bilong olgeta hap bai bung bilong tingim dai bilong Jisas Krais na tu harim wanpela tok long hau dai bilong Jisas i helpim yumi. Dispela tok em fri. Dispela invatesen i soim taim na ples em dispela bung bai kamap long en long hap bilong yumi.”

March 1

“Epril 3 i makim taim Jisas Krais i dai. Sampela long hap bilong yumi bai bung long dispela det bilong tingim dai bilong Jisas, tasol i gat sampela husat i no ting dai bilong Jisas em i bikpela samting. Yu gat wanem tingting? Yu ting dai na kirap bek bilong Jisas inap helpim yumi? [Larim man i bekim tok.] Lukim tok Baibel i mekim long dispela samting. [Ritim 1 Korin 15:22, 26.] Dispela magasin i stori long gutpela samting em ofa Jisas i givim bilong baim bek ol man inap helpim yumi long bihain—olsem, wanpela taim bai kamap we i no gat wanpela man long graun bai dai.”

March

“Mipela i kam na stori liklik wantaim ol man na soim ol long nupela Kirap! [Soim em karamap bilong Kirap!] Olgeta man i gat narapela narapela tingting long dispela namba 1 askim: ‘I gat God i stap o nogat?’ Long tingting bilong yu, husat i gat stretpela tingting long bihain—ol man husat i bilip long God o ol man i no bilip long God? [Larim man i bekim tok.] Tok promis bilong God hia i kirapim planti man long wetim gutpela samting. [Ritim Song 37:10, 11.] Dispela nius i kamapim 4-pela risen long painimaut sapos God i stap o nogat.”