Yu Redi Long Memorial?
Em Nisan 13 bilong 33 C.E. Jisas i save olsem em laspela nait bilong em long stap wantaim ol gutpela pren bilong em paslain long em i dai. Dispela i laspela Pasova em bai mekim wantaim ol disaipel bilong em, na bihain em i kamapim wanpela nupela bung, em Kaikai Bilong Bikpela. Bilong mekim kain bikpela bung olsem, yumi mas redi gut. Olsem na em i salim Pita na Jon long i go redim ol samting. (Luk 22:7-13) Kirap long dispela taim, long olgeta yia em i bikpela samting long ol Kristen husat i laik tingim Memorial ol i save redi gut long dispela bung. (Luk 22:19) Yumi mas mekim wanem ol samting bilong redi long Memorial bai kamap long Epril 3?
Ol Samting Ol Pablisa i Mas Mekim:
Stretim rot bambai yu ken insait long wok bilong tilim invatesen pepa bilong Memorial.
Wokim lista bilong ol Baibel stadi, ol famili, wanskul, wanwok, na ol pren na singautim ol long kam.
Ritim na tingim tingim long bel Baibel ritim bilong Memorial.
Kam long Memorial na redi long welkamim ol nupela man i kam.