“These Words . . . Must Be on Your Heart”

Ol papamama i olsem ol wasman bilong sipsip. Ol i mas lukautim gut ol pikinini bilong ol, long wanem, ol inap paul na lusim lain sipsip na em i isi tru long birua i painim ol. (Snd. 27:23) Olsem wanem ol papamama inap mekim gut wok bilong ol? Ol i mas lusim sampela haptaim long olgeta de bilong toktok wantaim ol pikinini na bai ol i ken save long samting i stap long bel na tingting bilong ol. (Snd. 20:5) Na tu, ol papamama i mas skulim ol pikinini, olsem ol i mas wokim haus wantaim ol samting i no inap paia, long dispela rot ol i strongim bilip bilong ol pikinini bilong ol. (1 Kor. 3:10-15) Dispela vidio “These Words . . . Must Be on Your Heart” i kamapim klia olsem em i bikpela samting long mekim famili lotu. Lukim dispela vidio wantaim famili, na bihain stori long ol dispela askim.

(1) Wanem samting i mekim na famili bilong Roman i no strong tumas long ol samting bilong lotu? (2) Bilong wanem brata Roman i traim long mekim famili lotu long namba 1 taim, tasol i no gat gutpela samting i bin kamap? (3) Wanem stiatok bilong Baibel inap helpim ol papamama long mekim bikpela long ol pikinini? (Lo 6:6, 7) (4) Wanem samting inap helpim famili long toktok gut wantaim? (5) Ol pikinini i nidim wanem samting em ol papamama i mas mekim? (6) Olsem wanem brata na sista Barrow i stap narapela kain long famili bilong Roman? (Snd. 27:17) (7) Het bilong famili i mas mekim wanem pastaim na bai famili lotu i ken kamap gutpela moa? (8) Brata Roman i mekim wanem na nau gutpela samting i kamap long famili bilong em? (9) Bilong wanem em i bikpela samting long mekim famili lotu? (Efe. 6:4) (10) Wanem sampela gutpela rot bilong helpim famili lotu? (11) Wanem samting i bin helpim brata Roman long stap isi na sanap strong taim em i helpim Marcus long save olsem em i bikpela samting long mekim ol samting i stret? (Jer. 17:9) (12) Olsem wanem brata na sista Roman inap toktok gut wantaim Rebecca na helpim em long mekim gutpela disisen taim em i laik prenim Justin? (Mak 12:30; 2 Tim. 2:22) (13) Olsem wanem brata na sista Roman i kamapim long ples klia bilip bilong ol taim ol i mekim ol senis long i stap bilong ol? (Mat. 6:33) (14) Olsem wanem dispela vidio i helpim ol het bilong famili long strongim famili bilong ol long ol samting bilong lotu? (1 Tim. 5:8) (15) Wanem ol samting em yu mas mekim olsem het bilong famili?

TOK I GO LONG OL HET BILONG FAMILI: Dispela drama bilong nau (a modern-day drama) i bin kamap long rijinel kibung bilong 2011. Long dispela taim, yu bin luksave long sampela samting em yu mas wok strong long en bilong helpim famili lotu bilong yupela i kamap gutpela moa? Olsem wanem long nau? Sapos i gat sampela senis yu i mas mekim, i gutpela long beten na skelim gut dispela samting, dispela inap helpim famili bilong yupela.—Efe. 5:15-17.