Yu Ting Tok Bilong God i Bin Senis?

Sampela i laik save sapos Tok Bilong God i bin senis. Profet Aisaia i tok olsem tok bilong God “i save stap oltaim oltaim.” (Aisaia 40:8) Hau bai yumi save olsem God i bin lukautim gut ol tok promis bilong em na ol i stap wankain?

God i gat strong long lukautim Tok bilong em na ol man i no ken paulim na senisim ol tok. Long bipo, taim ol man i raitim ol kopi long han, ol i kaunim gut olgeta wan wan leta bilong rait holi na bai ol i no putim ol ekstra tok, senisim, o rausim ol tok. Tasol ol man i gat sin, olsem na sampela man i raitim ol kopi i mekim ol liklik popaia.

OL SKRIPSA HOLI BILONG NAU I WANKAIN LONG TOK BILONG GOD LONG PASTAIM

I gat planti tausen kopi bilong ol olpela manuskrip bilong Ol Skripsa Holi. Sapos wanpela kopi i gat sampela liklik tok i no wankain, yu inap yusim ol narapela kopi long painimaut wanem tok i stret—Bilong kisim sampela save moa, lukim atikol “Has the Bible Been Changed or Tampered With?” long jw.org.

Skelim dispela, ol rait bilong bipo em ol i kolim Ol Olpela Rait Bilong Detsi, em ol Beduin i painim long ol keiv klostu long Detsi long 1947. Ol dispela rait bilong bipo i kamapim sampela hap bilong Ol Skripsa Holi we i stap winim 2 tausen yia i go pinis. Ol saveman i skelim ol olpela manuskrip bilong bipo wantaim Ol Skripsa Holi em yumi gat long nau. Ol i painimaut wanem samting?

Ol saveman i painimaut olsem Tok Bilong God em yumi gat long nau i wankain long ol olpela rait bilong bipo.a Pasin bilong skelim gut ol olpela manuskrip i kamapim klia olsem ol tok yumi ritim long Ol Skripsa Holi i wankain long tok bilong God em ol i raitim long pastaim. Yumi ken bilip tru olsem God i bin lukautim gut ol tok bilong ol Rait Holi na bai ol tok i no paul o senis na yumi ken ritim long nau.

Olsem na, taim yumi ritim Tok Bilong God yumi ken bilip na trastim tru ol dispela tok olsem em i stret. Tingim dispela taim yumi skelim skul yumi inap kisim long God long ol profet bilong em.