BIHAINIM PASIN KRISTEN
No Ken Lusim Tingting Long Beten Long Ol Kristen i Stap Long Kalabus
Baibel i tok profet olsem Satan bai mekim nogut long yumi bilong stopim wok autim tok bilong yumi. (Jon 15:20; Re 12:17) Olsem wanem yumi inap helpim ol Kristen husat i karim hevi long ol narapela kantri? Yumi inap beten bilong helpim ol. “Taim stretpela man i beten strong, dispela beten i gat bikpela pawa na i mekim gutpela wok.”—Jem 5:16.
Yumi inap beten long wanem ol samting? Yumi ken beten askim Jehova long givim strong long ol bratasista bilong yumi na helpim ol bambai ol i no ken pret. (Ai 41:10-13) Yumi inap beten tu long ol bikman bilong gavman i ken orait long wok bilong yumi long autim tok, na bai ol brata bilong yumi “i ken sindaun gut na i stap bel isi.”—1Ti 2:1, 2.
Taim Pol na Pita i stap long kalabus, ol Kristen long taim bilong ol aposel i beten na kolim nem bilong ol. (Ap 12:5; Ro 15:30, 31) Sapos yumi no save long nem bilong ol bratasista i karim ol hevi long nau, yu ting yumi inap kolim nem bilong kongrigesen, o kantri ol i stap long en?